即將喺2月發表林鄭班子內首份財政預算案嘅財政司司長陳茂波，平安夜又出blog談樓價，話家下樓價租金高企，加重咗香港人嘅生活負擔，亦窒礙咗各行各業嘅發展甚至年輕人嘅創業機會，強調：「實在令我寢食難安！」佢話政府會全方位努力覓地，之不過咁，佢一講樓嘅問題，網民又群起翻佢舊賬，話佢囤地兼搞劏房，仲好意思將樓價高呢個問題成日掛喺口邊！
而佢上周六都邀請咗30多位深水埗基層家庭兒童去到佢官邸過聖誕，話席間重提童年刻苦經歷，藉此鼓勵佢哋自強不息。佢又話同市民傾偈時，都覺得有啲人尤其年輕人唔太開心，總結有三個因素，「一是樓價和租金高企帶來的生活壓力和沮喪；二是工資增長相對緩慢、工時頗長；三是有些青年人對前景感到比較『灰』」，未來會深思政府可以做啲乜紓緩市民壓力，可能呢個就係佢嘅聖誕願望咯！