熱刺同阿仙奴一樣都係倫敦球隊，而且熱刺所屬位置嘅托定咸，係喺倫敦北部同兵工廠嘅高貝利喺埋附近。所以兩隊波嘅對碰叫北倫敦打吡，有番咁上下歷史嘅熱刺，喺1882年成立早過阿仙奴四年，距離依家已經足足135年。
喺熱刺嘅會徽上面好重要嘅元素就係隻公雞，喺1910年 一位前熱刺球員William James Scott，設計咗一個銅像，隻公雞企喺一個波上面
呢個九呎六吋嘅像之後放咗上熱刺主場嘅西看台，自此之後就成為球隊好重要嘅一部分。到咗1921年英格蘭足總盃決賽，呢隻公雞更出現喺熱刺會徽上面，由1921至1967年會徽嘅公雞出現過兩個唔同造型，但都係盾牌形狀嘅1967至1983年造型就係以當年擺喺球場西看台頂嘅銅像做藍本，但就無咗個盾牌嘅外型框住。
1983年因為要對付市面嘅盜版商y就作出比較大嘅修改，加咗兩隻紅色嘅獅子，底部亦有一句拉丁文，意思係TO DARE IS TO DO，呢個徽章用咗23年，直到2006年再有改變，最新嘅會徽設計比較現代化同簡潔，統一用深藍色，嗰句拉丁文冇咗，隻公雞踩住嘅足球，亦都變成比較舊式嘅波，而印喺波衫嘅會徽有個盾牌。