昔日一同創立公民黨嘅公民黨主席梁家傑和民主思路召集人湯家驊Ronny，之前因為湯狀退黨而分道揚鑣，更傳出兩人不和。佢兩人噚日一同出席電台節目（圖），一開咪就被主持陳志雲問仲係唔係朋友，傑哥就話「我當然覺得Ronny係朋友喇」，只係唔知Ronny當唔當佢係朋友喇！而Ronny立即話，正如劉曉波講，佢心入面沒有敵人。傑哥即時話，咁就差啲喇，因為你冇任何敵人，所以先叫我朋友。呢個時候Ronny又駁傑哥，話佢咁捩橫折曲，真係虧佢係大狀。雖然把口就話再見亦是朋友，不過聽落就真係句句有骨囉。