聖誕節就到，聖公會大主教鄺保羅同天主教香港教區主教楊鳴章噚日就分別發表聖誕文告同賀辭。之前透過聖誕文告批評港獨同佔領運動嘅鄺保羅今年無再提政治議題，只係話全港有130多萬貧窮人口，數字創2009年以來新高，長者貧窮問題相當嚴峻，貧窮長者有34萬人。佢話聖誕節嘅核心精神在於「施予」同「分享」，要慶祝一個有意義嘅聖誕，就要效法耶穌一樣關懷其他人。
另外，楊鳴章就感慨香港年輕一代要成立家庭，需要付出「何等的勇氣和慷慨，面對多大的挑戰」，話要向年輕一代真誠致意。佢強調真正嘅喜悅通過共同承擔困難和考驗才能彰顯，而家庭係構建喜悅的田園。