橫跨聖誕、除夕、元旦及農曆新年的歐陸嘉年華又開始了，舉辦第四年已經成為聖誕必玩節目。不過今年新增機動遊戲冇新意之餘，票價更由去年的125元加至130元。總共有34款機動遊戲和遊樂設施，大型刺激機動遊戲跟往年大同小異，不過部份機動遊戲仍未獲機電工程署審批。試玩當天，五個大型機動遊戲中只有一個有得玩。
今年新增的「柏靈頓倫敦漫遊」和「The Great Circus of Europe 雜技表演」，主要是睇表演及影相為主。而適合一家大細和情侶的攤位遊戲，玩法都離不開拋球套樽，不過公仔是人氣卡通人物都幾吸引，每局兩個代幣，跟往年一樣。另外還有現場音樂表演和體驗VR等活動，但大部份刺激的機動遊戲都未知何時獲批，怕且聖誕來也主要是玩合家歡遊戲了！
歐陸嘉年華
日期：即日起至2018年2月25日
地點：中環海濱
門票：成人$130（包入場費及$10電子代幣10個）、3至11歲小童$90（包入場費及$10電子代幣7個）
記者：黎婉婷
攝影：王國輝、許先煜