【本報訊】《西遊記》唐三藏以耐性感化孫悟空，現實也有類似故事。任職髮型學徒的賴昭文（阿Man）雖無孫悟空般頑劣，卻不時曠工數個月，令在同一髮型屋工作的孖生弟弟「冇晒符」，幸得師傅陳麗嫻循循善誘兩年，阿Man才重拾目標，更熱衷為長者義剪。
大圍一間裝潢時髦的髮型屋坐滿了來剪髮、染髮的老友記，雖是義剪，同為學徒的賴昭文和孖生弟弟賴曜文（Fred）仍細心為長者剪髮迎接冬至。
陳麗嫻是髮型屋老闆，憶述兩年前聘請細孖Fred任學徒，隨後經Fred介紹認識阿Man。她說昔日的阿Man不時失聯，更試過曠工3次，最長「消失」4、5個月，表現亦欠佳，「佢識剪電染，但會做做吓中途唔做，唔知去咗邊」。陳說年輕時也反叛過，惟當年師傅不斷給她機會，故會以耐心對待阿Man。她曾在日本旅行時得悉阿Man又「消失」，「知道佢又鑽牛角尖，喺日本都要打兩個鐘電話去感化佢」。她說經過兩年善誘，阿Man已變得主動積極，「好想佢哋兩兄弟拍住上升師傅，咁我就覺得好幸福」。
為長者義剪重拾目標
25歲的阿Man則對過去感內疚，「有時俾師傅話，我就會諗埋一邊，消失匿喺屋企打機」。他說陳已不只是師傅，感覺更像父母，「佢係好到放咗工，加班教我嘢」，又指全靠陳不斷灌輸他正能量及帶他做義工，令他重拾目標，「去義剪見到公公婆婆嘅笑容，就好滿足，做嘢好有衝勁」。3人工作的髮型屋本月已為約20名長者義剪，新年會再度與路德會合作，繼續舉辦義剪活動，為長者剪髮迎新歲。
■記者李詠希