歐洲不敗馬王「范高爾」話明不敗，呢匹馬有幾勁唔使多講，就連其子嗣都喺今年贏咗幾次一級賽，當中包括有「金庫神偷」、「觸動心弦」等，呢系馬集中叻在平地賽。
其實賽馬除咗平地賽外，仲有另一名為跳欄賽嘅世界，而「范高爾」可謂從未涉獵呢個範疇，但佢啲後代竟然都可以喺一項英國第四班跳欄賽中贏出，做出其老爸「范高爾」餘生都唔會做到嘅成就。
呢匹「范高爾」子嗣就係愛爾蘭出世嘅三歲Solo Saxophone，出道至今五戰平地賽，偏偏跑極最叻都係得第二，贏極都未贏到。
結果轉跑跳欄賽後，試出彩虹，跳過最後一個欄後，更展示「范高爾」式強橫後勁，衝過前面一匹大冷門，成就出「范高爾」後裔首勝跳欄賽，從中亦證明呢個種氏的馬匹性能相當廣泛。