為支持兒童發展配對基金嘅聖誕頌歌節，今年續有唔少官員同政商界名人出席，用歌聲為兒童發展獻一分力。
繼政務司司長張建宗外，噚日輪到成日外訪sell香港嘅商務及經濟發展局局長邱騰華（Edward）登場，難得唔使飛可以留港，Edward都抽出時間略盡綿力，同一班小朋友有超水準嘅演出。身兼基督徒嘅Edward致辭時話耶穌嘅誕生為大家帶嚟新生，無論有冇信仰，聖誕節都係普天同慶嘅日子。
主辦單位今年繼續推出網上籌款活動，只要參加者上載頌歌表演影片至網上社交平台如facebook，將私隱設定為「公開」並標註「#Carols4HK」，每個「like」都會有善長捐贈一蚊雞畀基金。據聞立法會前主席曾鈺成都籌備緊今年為頌歌節唱嘅聖誕歌。