禮拜六（23日）舉行今年最後一次沙田兼日馬賽事，場數八草兩泥，當中草地用A加3跑道。
睇番去年12月27日最後一次田戰亦係用A加3欄，當日偏差唔算嚴重，雖然半數頭馬守前四位入直路建功，但亦有「精益旅程」、「知多福」及「精彩樂韻」從尾叠後上反先對手，所以亦不宜過份側重前置馬。
今戰列陣馬中，尾場「豈等閒」今季三戰獲一勝兩位，贏馬正是於田A加3欄所得，今次重返強項可望贏季內第二W。
另外，第七場「醒蹄飛」是全場唯一贏過田A加3欄之參戰馬，憑較佳場地性能有力重開勝門。
至於兩場泥地路程皆為1650米，近三場同程分別有「通勝」及「軍炮」後上勝出，以上兩駒今次分別列陣第四場及第八場泥地一哩賽，值得優先留意。