相信唔少馬迷都知道，告東尼牛一係平安夜（24日）大日子，今期日馬喺佢生日前夕即周六（23日）進行，究竟會唔會炮製賀壽馬慶祝一番呢？
睇番之前告仔於聖誕前的賽馬日，不時都贏馬幫自己慶生，例如上年「巴基之星」，13年就有「萬事盛」，12年更連中三元。
以東廐周六陣容而言，惡馬絕對唔少，其中第9場「時時精綵」、第5場「美麗日子」、第4場「勁伶利」等都極具爭勝本錢，尤其前駒強配出擊用到潘頓，練者擺明想贏馬交代，兼幫自己賀壽，一舉兩得！
別忘記騎練最近曾以「馬克羅斯」揚威香港國際賽，潘頓知道告仔就快生日，呢鋪一定識做啦！