【100%上名率】拍晒手臂咁老友 佢哋非等閒之輩?

【100%上名率】
拍晒手臂咁老友 佢哋非等閒之輩?

現排騎師榜第二名的潘頓,與今季兩個新倉的合作成績真係好巴閉,先與澳洲倉麥菲文合作兩次未甩過Q,取得冠亞各一的成績;再同華倉羅富全聯手五次,亦未曾失落前三名,兩個倉嘅上名率都係100%,所以呢類騎練組合,肯定值得多加留意。

然而周六(23日)沙田日賽嘅排位中,就見羅富全尾場三班1400米嘅「豈等閒」就搵咗潘頓,呢個強勢拍擋出擊,須知此駒今季三戰拍住潘二哥,未試過跑第四名或以下嘅成績。

今朝早(21日)全哥仲特登搵潘頓講番幾句,話題話唔係圍繞呢匹馬,都真係唔多信。傾談途中,全哥更開心到拍晒對方嘅手臂,似乎佢哋合作關係正處於蜜月期,「豈等閒」今仗補中嘅味道真係極濃烈。