【本報訊】特首林鄭月娥在港台昨播出的專訪中表示，現時「講唔實」23條立法時間，但至少未來一年都難為23條立法，所以她沒將23條立法放入2018年施政議程。林鄭又指23條立法是香港憲制責任，但不少港人視之為洪水猛獸，認為政府要用很大力度為23條立法「正名」，才有條件討論條文細節。
稱比落實普選更困難
林鄭接受港台訪問時被問到會否在任期中段即開展23條立法，她說：「現時講唔實嗰個時間，但起碼喺未來呢12個月，都係好難㗎嘞，所以我即使內部或對外講，2018年嘅挑戰，都冇將呢個擺喺議程之中，因為唔係咁短時間內可以做嘅工作。」
林鄭表示，會就23條立法問題做到問心無愧，但稱「結果唔係我完全可以控制到」，又指23條立法是香港憲制責任，普選特首亦是香港憲制要求，但兩者過去都未能完成，未來需創造有利條件才能推行。
林鄭認為，23條立法比落實普選更困難，「因為普選似乎係一個普世價值，但唔知點解好多人，包括各位傳媒朋友，一提到《基本法》23條就好似洪水猛獸咁，我哋先要除咗呢個標籤，唔好將香港《基本法》23條妖魔化咗做唔好嘅事」。
林鄭又指23條立法不會是「唔好嘅事」，指全世界某程度上都在受恐怖主義影響和襲擊，「係人都希望保護到國家安全、領土嘅完整、國家嘅完整」，認為未來政府要用很大力度「正名」，才有條件討論23條立法條文。
■記者林俊謙