【本報訊】甲級重犯「花柳全」何毓桓服刑期間，用重近10公斤的壓紙石襲擊兩名囚犯，早前認罪被加監。他昨提上訴，甫開庭即對上訴庭法官說「要清楚知道呢個陳廣池（原審法官）係咪大陸新移民」，斥陳「強迫認罪，唔畀講求情」。
記者：楊思雅
因藏有軍火和企圖開槍等罪而被判監25年、現年57歲的上訴人何毓桓，年初在區院法官陳廣池席前承認去年4月18日在石壁監獄蓄意傷害兩名南亞裔囚犯，被加監37個月。
上訴庭勸勿詆毀大陸法官
何甫開庭便指兇器石頭非10公斤重，疑遭警方調包，原審時欲改口不認罪，但陳官拒絕；且事主「冇咩傷」，判刑過重。上訴庭副庭長楊振權指他承認用石頭襲擊事主，定罪無法爭辯。何突指有急切性問題要發問：「要清楚知道呢個陳廣池係咪大陸新移民，佢嘅作風、手法同大陸法官一樣。」楊官失笑問：「點解呢？」何即滔滔不絕：「佢唔畀我講求情，我要講前因後果……佢量刑冇考慮我犯案時嘅無奈心情。」
楊官拿出當日的錄音謄本，反問「唔係唔畀你講喎，講咗19頁喎」，何回應「冇19頁，講咗10分鐘咋」。楊官解釋判刑是基於犯案手法和事主傷勢等，動機非最主要考慮因素，37個月監禁非明顯過重，並勸告何不要詆毀大陸法官。何反駁：「我睇報紙係咁講，長沙、佛山啲法庭強迫認罪，唔畀求情……」楊官打斷謂「你唔好再講喇，我唔知大陸啲法官點審」，何揚聲：「你睇陳廣池就知！」
何追問究竟陳官是否新移民，楊官指問題無關，不會作答，並謂：「我唔敢詆毀新移民，但新移民做法官機會唔係好大，因為要經過好多訓練。」何說：「唉，呢個世界好多卧底㗎。」楊官最後駁回上訴，指何仍有權再提上訴，何指：「唔使咁麻煩，我𠵱家向你上訴，你係咁意減番我兩、三個月……」楊官回應「法庭做嘢唔係係咁意」，打發何離開。
案件編號：CACC22/17