隔牆有耳:財困傳真社 36小時籌50萬 - 李八方

隔牆有耳:財困傳真社 36小時籌50萬 - 李八方

由眾籌形成創立、以調查報道做主打嘅傳真社(FactWire)因為資金將快耗盡,剩番20幾萬元,只夠支付本月運作,面臨隨時倒閉嘅危機。創辦人吳曉東日前呼籲市民捐款,延續傳真社壽命,公佈消息約36小時後,截至噚日中午12時為止,已經籌得50萬元。
傳真社今次眾籌目標係380萬,以佢哋平均每月營運需要32萬元計,50萬只夠個半月營運。
吳曉東喺電台節目中話,傳真社旨在揭秘,過去曾跟進機場新空管系統問題同台山核電站安全情況等。佢話傳真社靠公眾捐款運作,係完全屬於公眾,希望獲得市民更多資金支持。市民可以登入以下網址了解眾籌詳情: http://www.factwire.org/backus 。