首次以選舉會議成員去投票選人大嘅民主黨副主席羅健熙，笑指投票時見識唔少「中國特色選舉」騎呢嘢，包括一入場就見到好多類似粉絲嘅啦啦隊拉票，出席人士似去演唱會多過票站；入場後亦竟然要聽台上人士講嘢。攞到選票後，現場有人即刻對住一張名單照填，但就俾台上嘅娥特話未到劃票時間，投票期間又播古怪中國音樂，搞到成件事好滑稽。
佢話由於投票人有晒座號，要一排一排輪住投，加上個票箱設計令選票會一張平整地跌落底，所以相信要搵出各人投乜票唔係難事。佢又搞笑話攞今次大會專畀投票人用嘅「選舉專用筆」擺上淘寶，唔知有冇人買？但話支筆其實唔夠粗，填寫投票表時要劃多幾筆先填滿個格，笑指會睇吓有乜渠道，令到支筆更有意義地完成使命。