32歲客串騎師沈拿,由本月初開始在港上陣,牌照期至明年4月30日,足足半個馬季,如果形勢沒有改善的話,沈拿這個客串期都幾難捱到尾,點解咁講呢?
原來沈拿履新後,已經跑咗5個賽日,暫只上名一次,憑告達理馬房的「烽煙四喜」得亞軍,而且座騎可謂非常少。今期(20日)快活谷八場夜馬,沈拿只得一匹馬跑,就是第四場四班1200米賀賢馬房的「快樂魔王」。其實沈拿原本全晚坐冷板,「快樂魔王」祈普敦操過最終放棄,揀騎同場「鑽石達人」,否則沈拿根本連「快樂魔王」1200蚊策騎費都冇得賺。
所謂有得跑就有機會,咁「快樂魔王」係咪不能睇低呢?老實講想入三甲難啲囉。此駒以往場場大敗,兼已缺陣近半年,10月底左後腿脛部割傷,之後都冇試過大閘今仗便復出,看來沈拿想贏馬開齋,還需遲一點才能成事吧。