今屆力爭冧莊人大嘅田北辰（圖），一直面對壓力，皆因建制派嫌佢口徑不一，想佢墮馬，田二少都知呢點，但堅持做開放建制派，繼續有話直說，結果佢得咗噃！
八方之前寫過，田二少不單喺西環41人點燈名單，後期仲喺核心「16+1」名單，獲阿爺重點力保，以免俾人覺得中央封殺敢言之士，事實上田二少亦好落力，親自接見選委拉票外，提名更少有地攞足38個選委會界別，廣泛性及光譜之闊應係候選人罕見，而佢嘅提名據知仲包括李嘉誠三父子，點會唔夠照？最終佢以1,543票、約86%得票率成功連任，得票率多過上屆嘅79%，排名由上屆28位升到今次嘅22位，佢選後話好開心，顯示自己做啱咗，認為自己嘅工作獲選委認同，形容今次參選係好好嘅過程。