徐雨石馬房的「金剛秀」將配華將一哥梁家俊，角逐周三晚（20日）谷中第四場四班1200米，此駒今季演出甚準繩，跑過5仗得3亞1季，即上名率高達8成，上仗最差亦得第5名有獎金，輸約兩馬位而已。
不過，「金剛秀」今季始終未贏，又有乜辦法呢？唯有加多兩錢肉緊操練備戰囉。「金剛秀」本周一排位日單跳一段後，翌日於今朝(19日)又在泥地大跑道快跳，而且更是跳足兩段800米，加強運動量催谷狀態，備戰誠意十足，可見有極大決心打開今季勝門。晨操專家積奇指「金剛秀」收身紮實毛色靚，步伐亦雄渾有勁。
睇番「金剛秀」上仗不入三甲，多少因為途中曾勒避「正本雄心」的後蹄，影響走勢，今次再配近期手風順、騎功及信心正不斷提升的梁家俊，加上負輕磅及抽5檔之優勢，相信「金剛秀」應大有機會取得突破。