陸永外父早前欠債，連累太太Reina遭收數佬長期滋擾，被迫要放棄美容院生意，陸永為外父還債，外父最後人間蒸發，此事一直令到Reina鬱鬱不歡。昨日有報道指Reina早前懷上第三胎，可是不幸流產。
「當唔好彩」
本報致電陸永求證，他透過短訊回覆：「太太跟我都很好，多謝關心！」問兩人如何度過難關？他說：「順其自然，湊住兩姐妹都夠煩、夠開心了。」問太太何時流產？陸永說：「多謝關心，我哋𠵱家已經平復好晒，太太身體亦都冇大礙，全部嘢都好好，之前嘅事唔想重提。」有指胎兒是男嬰？他說：「係唔係男仔我哋都唔知，我哋都唔清楚點解會咁，真係冇原因，唔好彩咁囉。」
報道中提及陸永最近找玄學家吳佩孚做法事，超渡亡兒。吳佩孚接受本報電話訪問時說：「一直有同佢哋算命，兩、三個月前，佢哋搵我睇流年，我話唔止兩個小朋友，應該仲有一個。Reina話係呀，啱啱嗰段時間有，但唔小心小產。Reina話朋友有陰陽眼，睇到佢身邊有個『男仔』，我亦睇到係男仔，Reina本身亦感覺到，我建議佢做法事超渡。」
買餸仆親
Reina昨日在互聯網上貼了一張受傷相，並留言：「街市買完餸完美仆低，點仆仆到呢個位腫咗兩粒波子出嚟。」她指細女非常擔心，原來是擔心以後沒有人車返學，爸爸要搭的士接放學，搭的士又不可以食嘢。
採訪：皓騫