「啱啱收到人事部通知，今年花紅得$500！係$500！辛辛苦苦捱咗成年無非都係想等份花紅，我間公司都成百人，公司今年生意都唔錯，舊年都有成個月，冇可能今年得咁少！我問其他同事出幾多佢哋淨係話少冇講幾多，我要求人事部解釋點解我得咁少，佢哋話睇表現評分內部決定，唔需要同我解釋。咁擺明就係黑箱作業，而家花紅係出畀我㗎！點解我唔可以知道點解得咁少？」
以前公司請人講明最少出13個月糧，那叫雙糧不叫花紅。叫得花紅，應該知道是花無百日紅咁解，即是可以多又可以少。出與不出有幾多錢出由老闆話事，人事部按基制睇餸食飯計算，有甚麼可以向你解釋？
問題是你如何解讀這$500花紅。究竟當中有甚麼意義啟示呢？其實你根本無需問其他同事你都應該知道人人都比你多，否則全公司同事個個$500花紅肯定嘈到拆天，不會只得你一人。去人事部問點解之前之後，你可有問你上司點解？最有可能給你答案的人絕對是他或她，我有絕對理由相信你和她的關係是非一般的不融洽。講到底，即是你的存在或不存在對公司來說，根本沒有影響價值意義了。事已至此，你應該為自己下一步何去何從打算。
既然你問得我我就直話直說，雖然你未必聽得入耳，公司出得這個數目的花紅給你，擺到明羞辱你想逼你走。究竟你是真傻還是假傻？冰凍三尺非一之寒，你自己的工作表現以及同事和上司之間的關係你早應該心中有數，出現今日這個果，你應該先問你自己究竟種下甚麼因。不要鬥氣，輸的只能是你自己。為今之計，能否吸取教訓改善不足是可不可以扭轉局面的關鍵。
張慧敏