牛津字典選出年度詞彙youthquake。
年輕人緊貼林鄭「同行」，攞到着數，跟到闊老細，平步青雲由區議員做到政助，由同行升呢「同謀」，無可能感受到「地震」底氣！牛津字典指的青年，是林鄭眼尾睇唔上，不屑評論的unhealthy wind！風繼續吹，牙關與人心在震，被習大大點讚的林鄭，用慣用語回應：青年在震嗎？我完全睇唔到，香港好和諧穩定，無咗拉布，修改議事規則，合情合法，市民支持，我感覺唔到震源，大家唔好散播假消息，自亂陣腳。年輕人應該抓緊機遇坐高鐵北上，國家俾咁多機會香港，年輕人戰戰兢兢好正常，唔使用個震字係嘛。
震央中的年輕人，是政府最顧忌，在新時代最有力挑戰威權、推倒重來的新人類。政府有權用盡，重手鎮壓，被DQ的議員，被加刑送入監牢的13+3，排隊等住被檢控的佔旺清場、年初二擲磚案的年輕人，折騰三年，一直都在震區，一直受災，被官司纏糾，舉步維艱。雨傘運動餘震不絕的今天，youthquake的香港版，重災狀態，百廢待舉。政府話有方法幫青年避震，叫年輕人靠北，投身一帶一路。低端人口與震區青年重疊，還相信買臘味請建制議員食飯的林鄭嗎？真係震壞腦！