【愛情DQ掣(4)】27歲銀行仔變Rock友？馬天佑：話40歲我都信

全新配對節目《愛情DQ掣》嚟到第一次約會，先嚟泰拳女Debby配銀行仔Derek。講返配對嗰日，Debby首選Youtuber浩嵐，可惜浩嵐最後揀咗Model界法拉bb Sumi，後嚟銀行仔Derek揀Debby，Debby就話可以試吓做朋友嘅。

事實上，Debby同Derek嘅外形就真係唔算得上話好襯，既然係咁，大會就特登為佢哋安排一次形象大改造，請嚟星級形象指導馬天佑幫手，話唔定新look可以挽回唔少分數！

就咁睇Derek個樣，你話似哥哥定叔叔呢？馬天佑就話，「你話佢40歲，我都信囉！」製作組check過Derek嘅身份證，的而且確係1990年出世，真係27歲㗎咋！至於Debby就好厚道咁話，「Derek唔似叔叔，不過衣着就有待改善。」就講拍攝當日，馬天佑就評Derek嘅衣着，「件恤衫好正經，但係件褸就casual，感覺唔係好match。」

咪以為我哋係咁踩Derek呀，我哋真心指出佢哋問題，從而希望佢接納並改變形象，咁先可以吸引女仔㗎嘛！不過喺馬天佑出手之前，畀咗任務Debby同Derek先，要佢哋為對方襯套衫。究竟佢哋認為對方點着先好睇？馬天佑又buy唔buy呢？睇片就知喇！

Derek同Debby嘅形象唔多襯，大會就安排大改造，睇吓新look會唔會為佢哋喺對方心目中加分。

Derek個樣同個look都成熟啲，佢堅稱自己27歲，仲話除眼鏡應該會young啲，你哋覺得呢？

大會請嚟馬天佑做形象指導，佢一再同動主播表妹確認Derek係咪27歲，佢話：「講40歲我都信！」

喺馬天佑出手前，Derek同Debby先為對方改造，望真啲對方，睇吓適合咩衫。

Debby好快手揀到，話要Derek有大突破！

Derek揀衫就六神無主，成日搵馬天佑問意見。

唔知佢哋揀嘅衫，對方啱啱唔心水呢？

題外話，Derek拍攝期間，係咁讚馬天佑啲意見好，馬天佑都忍唔住話：「夠喇！你要氹嘅係Debby！」不過，馬天佑喺私下訪問就讚Derek幽默，唔知Debby覺唔覺呢？

場地提供：Hisso
主持：何宛珊 (表妹)
攝影：峰、馮燊明、梁依能
後期：梁依能、馮燊明
視覺設計：Cammie
編審：仙