RB萊比錫（白衫）周日對住打少個嘅哈化柏林輸2:3，今季第一次喺主場輸波，跌出前四。呢場雖然客軍七分鐘就踢少個，但萊比錫竟然51分鐘就輸到0:3，雖然完場前追返兩球，但可惜最終都要輸波，全失三分。同日另一場德甲，利華作客就4:4和咗漢諾威，錯失上第二嘅機會，17戰得28分排第四，同第三嘅多蒙特同分，落後拜仁13分，而萊比錫就跌落第五。