明星成日撞樣，近日韓國有個綜藝節目《Weekly China Now》就評選多個中韓撞樣明星，當中有啲真係好似樣，有啲仲唔分男女，難以分別。
當中男女撞樣就有內地代表嘅湯唯同張根碩，節目指佢哋因為擁有薄薄嘅雙眼皮同埋圓潤嘅鼻子，笑起上來就會有皺紋，仲突顯咗兩人更加相似。
除咗湯唯同張根碩被指似樣外，其他似樣都係同性，好似內地女星白百何就被指撞樣韓國「國民初戀」秀智，兩人笑起來都展示月牙眼，十分可愛。還有內地31歲女星張雨綺撞樣韓國36歲女神宋慧喬，張雨綺一出道時就被指似喬妹，兩人個樣真係好似失散姊妹，節目仲笑言驚喬妹老公宋仲基都認唔到。