今日（17日）沙田馬場舉行由本地珠寶品牌為主題嘅十場賽事，雖則呢日天氣係今年入冬以嚟，最凍嘅一個日，但一眾女藝人，尤其雷莊𠒇，齊齊示範俾馬迷睇，女人貪靚起上嚟，係唔怕凍嘅！
今日第三場賽事後，香香公主岑麗香，同應屆香港小姐冠軍暨最上鏡小姐雷莊𠒇、亞軍何依婷、季軍黃瑋琦及香港小姐各佳麗，一齊喺馬匹亮相圈，着住大會提供嘅高貴套裝同閃鑽首飾，行catwalk兼一字排開做show。
睇勻全場，肯定個個都話雷莊𠒇條裙最醒神，其他人都只係露下膊健康性感，但佢條裙前面嚟一個大deepV，令呢位港姐冠軍玲瓏浮突嘅身材表露無遺。雖則雷莊𠒇嘅外貌算係各花入各眼嘅level，但其身材確實係有料到嘅！