蘇偉賢馬房的「發盈喜」在2015/16年度馬季，曾經5捷並榮膺「最大進步馬匹」獎得主，但自此牠便未再捷，甚至今季跑過四場亦只得一席季軍。究竟「發盈喜」係咪已經謝晒呢？當然不是啦！
其實「發盈喜」明顯已回復戰鬥力，睇番牠前仗在1200米二級賽精英碗，放入一席第五名，所負僅兩馬位左右，該場負磅相若的「翩翩」則跑第六名。「翩翩」其後在一級賽香港短途錦標入Ｑ，差啲連「紅衣醒神」都劏埋，已加至127分。
所以僅103分的「發盈喜」本周三（20日）角逐快活谷二班1200米，試問何來「翩翩」這種級數的對手阻止「發盈喜」爭勝？
作為蘇偉賢旗下最高分馬的「發盈喜」今仗將會初配羅理雅上陣，騎功比近兩仗的賴維銘、潘明輝何止高一皮？加上「發盈喜」以往一戰谷草1200米即勝，看來牠至今縱未能攻下分級賽，但要贏這場普通谷草二班賽，卻綽綽有餘。