立法會議員朱凱廸元朗辦事處噚日開幕，叫做「不是地辦」，立法會議員鄺俊宇都畀面到賀。
阿廸話辦事處門口有社區雪櫃，畀一班街坊拎剩食嚟開心share，辦事處都會分享過咗期但仲可以食嘅「神期食品」，等大家食得唔好嘥，議辦更會定期舉辦社區展覽，𠵱家正展出元朗畫家畫嘅「13+3」政治犯肖像。
民主派反對修改《議事規則》失敗，社會上好多人都疑問立法會係咪已經冇用？阿廸喺開幕禮致辭話，覺得修訂戰反映到民主派嘅問題，例如全港各區有鋪天蓋地嘅反拉布宣傳，但係民主派喺地區嘅網絡就遠遠落後，𠵱家開始要反抗愚民宣傳，就要喺每個屋邨建立陣地，幫民主運動搵番重新出發嘅力量，由下而上影響社會。「不是地辦」已經開始推廣「不是垃圾站」宣傳資源回收，仲搞咗個照顧長者健康嘅社區保健站。