仲未正式宣佈退休嘅巴西球星朗拿甸奴，近年主要都係出席足球活動同埋踢友賽，而早前喺巴西聖保羅舉行嘅一場慈善足球賽，佢唔止大騷腳法，仲喺自己半場拎到波之後喺中圈起腳，未過半場遠射笠死對方出迎嘅門將，連只可以眼白白望住個波入網嘅對方門將都為「細哨」鼓掌。已經37歲嘅「細哨」踢波依然咁好睇，如果佢真係退休球迷又捨唔捨得呢？