修改議事規則，坊間已出懶人包，場波已經改變晒球例，連唔明什麼是越位陷阱的港女和阿嬸，都了解到，個足球場，由主席張開血紅大口，吹起黑哨，即時變身保齡球場，非建制就係保齡樽，被轟到一仆一碌！主席收到上面密令，立會又會變身沙灘排球場，建制唔係流住口水坐住瞓，就係上網睇股市或鹹片，示範正宗的一盤散沙！波，圓唔圓，建制唔會深究，總之頂爛泛民個市，將盤沙溝埋玻璃碎，等住泛民落場踩！
開會法定人數由35個議員降到只需20人，唔使點人數，建制較腳，爽爆！這樣啊，泛民夾吓日子，立會隨時只有主席一條友，鹹魚晒命，對住全部空凳，悼念劉曉波！梁君彥最高紀錄趕走11個泛民議員，是浪費公帑的罪魁禍首，追薪嗎？記得搵梁君彥找數！
拉布成追憶，議會一言堂，撞着感受底氣的林鄭認叻新時代，建制保皇的最新挑戰，是全力跟林鄭搶威，成功爭取，為民籌謀。點樣籌謀？請重複看浸大學生跳樓自殺前的fb遺言柒柒柒次！還厚住臉皮扮睇唔明嗎？建制廢柴，真係唔死都無用！