「綠在深水埗」係環保署喺全港第5個投入服務嘅「綠在區區」項目，支援社區回收同環保教育工作，由保良局營運。綠在深水埗試業首半年，聯繫區內屋苑、機構同學校舉辦過百場環保教育活動，參與人次超過5,000，並回收逾4,000公斤廢物。環境局長黃錦星噚日親臨開幕禮。星爺致辭時多謝保良局，指保良局係「綠在區區」先行者，政府希望善用非牟利組織嘅網絡，喺社區夥伴協作下，將環保減廢理念行動結合。
綠在深水埗位於深水埗通州街339號，除咗提供綠化休憩空間，亦設置以回收物料製成嘅互動遊戲設備如滑梯及電能單車等，場內亦提供社區回收物流支援服務。