這天（15日）清晨6點前天未光，騎師韋達已到沙田馬場，企響馬房出入口處10多分鐘，食正寒風呆呆地不知等甚麼，原來係守候周日(17日)沙田第七場四班1600米的「快閃的」，可見對這匹馬非常上心，極度重視。
韋達等到「快閃的」拉出來後，便策騎此駒往泥地大跑道單跳一段400米，晨操專家積奇指「快閃的」走來清風送爽，勁力十足，課後亦見韋達豎起大拇指，向練馬師霍利時大讚此駒勇態洋溢。
「快閃的」可算是韋達碩果僅存的私家馬，服役6戰全由韋達執韁，包括上季最後兩仗於同程1600米取得冠、亞各一，但之後因慢性骨科病症，至今已缺陣5個多月，不過埋門其健康已全面回復正常，勤操不在話下，韋達亦成擔心機打理，上月親自試兩課大閘，均有好走勢跑入前三名。
澳洲馬「快閃的」才四歲尚有大幅進步空間，仍在四班作賽明顯超級，加上抽4檔好位，唔怪得韋達今朝咁神心，係都要呆等此駒，試番課check清楚狀態先安樂啦。