全國人大常委會22日至27日喺北京開會，會審議埋高鐵一地兩檢合作安排，一旦獲得確認，特區政府料會喺明年初向立法會提供立法建議，爭取明年中立會休會前通過。
新一場大戰前夕，港鐵不忘匯報吓高鐵段最新進展，原來西九龍站周邊主要道路嘅結構工程，包括「三層式道路系統」，已經大致完成，工程團隊將會集中推展西九站內餘下嘅室內裝修、屋宇設備同機電工程，以配合喺明年進行相關嘅法定檢測、調試等工作。
港鐵噚日仲舉辦完工感謝禮，邀請地區人士出席，同心穎BB拍過宣傳短片嘅港鐵總經理（高速鐵路）鄧維勇Simon Sir亦在場接待。截至今年10月底，高鐵香港段整體工程完成97.5%，港鐵話進度合乎預期。