全新旅遊專頁，即like籽想旅行： https://fb.com/travel.appleseed
中國研發的CGS（中國巨幕）影廳這幾年在國內大行其道，近期亦開始向外拓展，香港亦剛開設首家CGS影廳。這家新CGS位於百老匯數碼港戲院之內，共用上了約一個月時間改建及調校設備，剛趕及聖誕檔期前營運。
CGS影廳跟IMAX影廳都幾相似，同樣配備巨大屏幕，不過CGS現時限制無IMAX咁多，普及性亦相應較高。現時CGS影廳會用上4K激光系統，畫面亮度十足之餘，色彩表現相當豐富，播放3D影片時效果尤其出色。坐在影廳前排可感受到巨幕震撼外，即使坐在影廳最後排，都不會覺得畫面小。
不過這間CGS影廳首輪只會上映2D版《星球大戰：最後絕地武士》，暫未知何時會上映3D版；而2D版票價目前只是比正常影廳貴$10，定價都算合理。若唔嫌戲院位置有點偏遠，都絕對值得體驗一下巨幕的威力。
位置：百老匯數碼港戲院1號影廳
記者、攝影：布偉倫