吸一口氣，身軀往後傾，沉沉的「咚」一聲後，投入大海的懷抱，耳窩被海水掩蓋，只剩下寂靜。潛水教練朱肇璋（阿奇）下海已有4年，潛水經驗過千次，他說因嚮往海底寧靜而迷上潛水，更將興趣發展為事業。「我成日會幻想，如果有一日可以喺維港潛水就好啦」。機緣巧合，阿奇上月受聘於電影製作團隊，為準備海中拍攝工作，下潛維港和香港仔避風塘作安全搜索。曾一睹一般人難以到達的海域，阿奇被朋友問得最多的是：「水底靚嗎？」他形容維港看似璀璨繁榮，其實暗藏邋遢，海底垃圾堆積如山，水底世界猶如一座死城。
製作公司如需在海中拍攝墮海、水中打鬥等戲碼，都會聘請潛水員先在拍攝海域作檢查，確保演員安全。阿奇上月初潛維港，是在北角碼頭對出海岸。「水面同水底係兩個世界」，落水後，他形容水質之差肉眼可見，因能見度接近零，下沉至水深10米，眼前仍然一片混濁。「我連睇錶都睇唔到」，海底伸手不見五指，阿奇「一味靠摸」，搜索海床有否潛在危險。「成個海底最多就係垃圾，唔好話轉身，隨手拎起都係垃圾」，摸過膠樽、罐頭、車胎，誇張至鐵箱、郵筒等「乜嘢都有」，惟獨不見生物。
初探維港，一睹海底世界後興奮一掃而空，「落到去見到一個咁嘅場面，真係好唔開心」。阿奇說在如此人煙密集的海港，原本對海底景觀已不抱預期，但幻想破滅，上水一刻他心裏喊話，「唔會期望再有第二次」。
相較之下，香港仔避風塘珍寶海鮮舫下的水質反而較好，「起碼我仲睇到嘢，雖然都係見到垃圾」。維港水質惡劣，潛水員工作或似在玩命；阿奇試過潛水後臉部皮膚紅腫，亦曾憂慮誤吞海水致腸胃炎。
盼人人一潛一垃圾清理
阿奇說，只要海底物件未有延伸至水面影響演員安全，便毋須把垃圾打撈上來。他過去多次自發參與海底執垃圾工作，見盡人為污染對海洋造成的惡果，「開始覺得，海底唔應該係人去嘅地方」，對付垃圾，惟有見一件執一件。
他曾在西貢白沙灣見過印有簡體字的醫療廢物，如針筒、吊鹽水包、藥樽等，懷疑垃圾隨水流由內地飄到香港，「最驚訝係連胸圍都執過」。他估計假日在西貢等熱門潛水勝地，至少有200名潛水員在海底，「如果人人都做到『一潛一垃圾』，一日都起碼冇咗200件垃圾啦」。阿奇說，既然有能力下潛，就有義務保育，這是學潛水應有態度。
■記者梁銘恩