禮拜日（17日）沙田舉行七草三泥賽事，草地用全場最狹窄之C加3跑道，一年前的12月17日沙田賽事亦係用C加3欄，賽果具參考性，當日大利前置馬，總數八匹草地頭馬中，有六駒守前四位回來建功。其中「凱旋星光」、「宇宙車神」及「再開心」更加放頭帶到，具前速之馬匹可以優先留意。
今戰列陣馬中，第五場「君達星」（蘇偉賢馬房）上仗正是於田C加3欄1200米一放到底開齋，贏完等番同一移欄再跑，睇部署有心想添食。
另外，第六場「勝利之星」（李易達馬房）是全場唯一贏過田C加3欄1400米之參戰馬，九歲老馬憑較佳的跑道往績可佔上風。
至於三場泥地均為1200米，雖然最近有「藍天堡馬」後上贏此程，但只屬個別例子，整體而言前置馬仍然佔優，所以周日第三場「天賜寶」（徐雨石馬房）、第四場「豹子頭」（徐雨石馬房）及第九場「上簽」（沈集成馬房）等擅跑泥地之快馬均可作為投注重心。