【本報訊】港鐵港島綫中環站往柴灣站方向，昨早上7時許因月台幕門故障，列車出入月台需要行慢，致服務延誤。
姓歐陽的候車男乘客非常不滿，要警員到場調解。他埋怨說：「繁忙時間點解會咁慢呀？4分鐘一班車！幕門有問題，同架車無關係㗎喎！」警員着他致電客戶服務部投訴，他反指無效。「次次打去，都係得廢話！呢間公司(港鐵)實在太過唔掂囉！次次繁忙時間先嚟壞車，返工時間、放工時間，壞電、壞燈、壞車乜都試過，今次壞門，日日新鮮日日甘，淨係呢半年不吓10次，佢唔加價都跪低多謝佢啦！」
港鐵回覆稱，昨晨7時左右，港島綫中環站往柴灣方向3號月台，列車埋站後月台幕門不能自動開啟。車廂隨即廣播，要乘客在車門打開後，自行拉開幕門上落車。車站其後加派人手將所有幕門打開，協助乘客上落。車務控制中心安排列車以慢速進出月台，整體行車時間(總站至總站)比平時多5至8分鐘，至8時40分工程人員進行維修後，幕門回復正常運作，列車陸續回常正常。
就乘客不滿幕門壞卻影響列車行車速度，發言人回應指，幕門開關不暢順，會影響列車正常上落客；即使打開幕門後，為安全起見，控制中心會着列車慢行。