政府前年成立降低食物中鹽和糖委員會，因為個名實在太突出，唔少市民好關注。委員會兩年嚟做過乜，好似冇乜人知，成效係點見仁見智，但非官方委員正式會議嘅出席率呢，原來只得63%，22位非官方委員只有兩位委員出席率達到100%，有6位出席率低過五成，其中一位少過兩成㖭。
政府文件顯示，由前年3月至今年11月，委員會及各工作小組共舉行17次正式會議，即係有委員出席晒17個會，亦有人只係出席咗3次會議，少到咁樣，究竟有冇心推行減鹽減糖呢？
非官方委員嘅翠華控股主席兼執行董事李遠康指，記得自己係有出席會議，有會開就會去開，但去咗幾多次就唔記得嘞。