立法會補選下年3月就舉行，民建聯預計派出深水埗區議員、胡杏兒姐夫鄭泳舜（Vincent）出戰九龍西，近日連保安局前局長黎棟國同食衞局前局長高永文都輪流出馬，同Vincent拍片反拉布兼幫對方谷人氣。
久未露面嘅黎棟國日前先「聲」奪人，透過錄音批評《議事規則》被「反對派議員」瘋狂濫用，又話上年中嘅《消防修訂條例草案》，係因為拉布而胎死腹中，自問自答：「邊個係受害者？係市民。」
高永文就現聲兼現身，同Vincent到一個公園一齊拍片，民望高力數因為拉布而令醫委會條例改革以及《私營骨灰安置所條例》拉倒。佢又相信，修改《議規》可以令議會運行得更好。嘩嘩嘩，Vincent獲建制重量級拱照，唔知民主派又會點樣迎戰呢？