現年56歲嘅日本老牌女星藤吉久美子被雜誌《週刊文春》踢爆不忠，趁住結婚22年嘅圈中人丈夫太川陽介到京都拍攝節目，在大阪密會當地電視台監製，並因二人關係而數年來贏得不少特備劇之演出機會！
聽日出版嘅《週刊文春》，昨日預告藤吉久美子嘅偷食報道，指佢同年逾半百嘅大阪電視台監製過從甚密，當藤吉久美子上月23日到宮城出席活動時，姦夫已跟出跟入。該雜誌記者仲發現，藤吉久美子同監製於酒店過夜；及至本月初，太川陽介到京都開工，藤吉久美子就搭巴士到姦夫位於東京嘅住宅單位，斷正被發現密會兩小時。
藤吉久美子於1982年主演NHK晨早劇《成為大人物》成名，87年與坂東正之助結婚，不過婚姻只維持5年，95年再婚嫁太川陽介，近日被爆不倫令佢再成新聞人物。