【我們的演唱會】衛蘭（Janice）出道13年，當年翻唱黎明舊歌，只聞其聲，不見其人，令她火速成為熱話，紅爆樂壇。07年已站上紅館台板，舉行首個處女個唱。相隔十年，宣佈於下月舉行第四次紅館個唱的Janice，透露今次演唱會參與了很多意見，感受到team work的力量。
「攞獎係鼓勵」
Janice前年離開黎明懷抱轉投華納唱片後，不但成為網民票選的「靚聲王」，就連宣佈今年不參與頒獎禮的容祖兒亦表明看好她。喜獲大家支持，Janice笑言：「我以前唔會諗獎項，𠵱家會開始諗吓。」問到獲獎是否令今年變得更完美？Janice一輪招牌式笑聲後說：「今年都發生好多嘢，我好努力咁走出舒適區，如果攞到係鼓勵。」
走出舒適區，Janice首個任務是要挑戰言語障礙，推出首張國語專輯。她說：「全程講普通話，去咗北京三日，第三日先信心大啲，因為我每次答問題，個腦要先轉去英文諗，然後再轉番去中文，所以都要諗好多嘢！」笑問她可有因普通話不好被取笑？Janice笑說：「我聽唔明就係咁笑，大家都問我係咪笑自己，不過傳媒朋友好好，冇笑我講得差，好有耐性咁聽，仲鼓勵我。」
「有嘗試聯繫」
說到下月舉行的紅館騷，Janice表示一切進展順利，對於有人將焦點放在她的身形和服裝上，她說自己只會集中精神在歌曲上。Janice談工作時眉飛色舞，提到感情事，今年35歲的她，不心急找另一半？Janice聞言又哈哈笑，承認想拍拖，但又沒有時間，又指母親有叫她找韓男做男友。早前Janice曾透露與一位比她年輕的男子在交往中，但發展無疾而終。她說：「冇發展，有嘗試connect，但覺得唔得，唔關年紀問題，佢思想都成熟，可能係大家夾唔到。」
採訪：小米、懷鈺
攝影：林賓尼
髮型：Haysses Ip of HAiR
化妝：Samuel of 江中平化妝室
服裝提供：5cm
