韓國女團TWICE嘅18歲台灣成員周子瑜喺韓國發展相當順利，唔少人都想成為第二個子瑜。
而喺台灣有一名22歲嘅網絡紅人祈錦鈅，因外貌同子瑜有幾分相似，特別係某啲角度勁似子瑜，所以令佢成為網民討論嘅對象，亦都有關注佢嘅Instagram。而祈錦鈅亦好識做，不時喺Ig大晒弗爆身材，令網民like爆，當中日前佢仲好大方，着上黑色三點式大騷事業線，F級身材盡露人前，令網民都激讚，話令佢哋流晒鼻血。
唔少網民留言問祈錦鈅係唔係肥咗，所以令上圍升級，不過祈錦鈅就話因為瘦咗，反而令佢上圍變得更加明顯才真，又指上圍唔會因為肥瘦而改變size，仲自爆上圍太重，所以要成日去按摩肩頸。