長傷嘅熱刺中場雲耶馬，喺佢家鄉肯雅就有班球迷非常掛住佢，為雲耶馬搞咗個祝福遊行，希望呢位隊長快啲復出。遊行隊伍身穿熱刺波衫，手持祝雲耶馬早日康復嘅橫額，非常有心。而喺英國嘅雲耶馬都好感激班球迷，除喺ig貼咗遊行嘅相，仲向球迷承諾自己會盡快好番。其實，雲耶馬經已參與熱刺周一嘅操練，睇怕嚟緊聖誕快車咁密集嘅比賽，雲耶馬都有機會復出。