2014年7.1遊行後，警察拘捕民陣5名成員，藉詞沒收5人共7部手機足足3年後，司法覆核結果判定，手機、平板電腦等電子通訊器材內藏大量個人私隱，警方須取得法庭手令，先可以查閱市民電子通訊器材，但近日盛傳將離開政府嘅律政司司長袁國強，決定就此判決上訴，案件正在排期。
民陣5名成員前日約齊人，拉隊去警署攞番3年前被警方扣留嘅手機，卻有驚人大發現，原來7部手機中，全部手機電池無晒電，除咗一部Nokia 6610。
民陣成員楊政賢話，呢部Nokia 6610同其他6部手機，包括蘋果同三叔，擺喺警察證物房3年幾，竟然仲可以即時開到機，而且仲可以玩到「貪食蛇」，難怪佢大讚呢部手機真係好勁，笑言呢部手機，可能核戰後都仲用到！