韓劇《咖啡王子》嘅33歲女星尹恩惠，前年演出大陸綜藝節目《女神新裝》涉嫌抄衫後形象插水，遭韓國網民炮轟，就算尹恩惠近日回歸韓國演藝圈，事隔10年再演出韓國綜藝節目《需要對話的狗貓》，但網民依照唔賣帳，要求佢退出節目。
雖然尹恩惠會否退出節目仲係未知數，不過尹恩惠前日就喺Instagram更新近況，表示自己領養咗隻約10個月大嘅狗仔，從而宣揚「領養」嘅重要性。明明做緊好事，網民都係唔滿意，甚至留言指尹恩惠係為咗洗底先刻意咁樣做，又有留言指狗仔表情唔多好，似乎係被尹恩惠攬得好唔舒服。不過都有理智啲嘅網民大讚狗仔得意以及尹恩惠做得好，希望狗狗之後有幸福嘅生活。