麥菲文呢個新倉口，在周三（13日）快活谷夜馬中，只派遣「神乎其技」、「鵰神」兩匹質新馬參戰，所謂貴精不貴多。
雖然牌面上似乎處於下風，但見今晨（12日）早課，此兩匹戰駒，先後被安排往內圈加課出踱，角逐第五場四班1650米的「神乎其技」先於6點幾，練馬師跟出跟入，動態都幾緊張。
而於第二場四班1200米初出的「鵰神」則安排7點半試大閘期間，最繁忙時間出踱。特別要留意的是，當時騎師韋達與倉主菲文哥一齊在沙圈睇馬後，兩人密斟一輪後，十三少韋達便立即趕去試第四組閘。
如果此駒今次初出，只係旨在熱身的話，達少不會如此頻撲肉緊，所以今次機會仍不可抹殺，若臨場有風吹草動，記得吼實。