何小姐死死地氣返上樓退下4吋高跟鞋，準備搭地鐵。什麼的、什麼ber，總之所有的士台call勻晒，星期五嘛，的士大佬唔係唔使做、與眾齊唱 Thank God It's Friday。而係從跑馬地過舊隧去尖沙咀，或者西隧都冇所謂，不過都冇可能，呢啲order點有人接？
牽一跟，以動全身，點止高跟鞋換波鞋咁簡單？
本來靚靚低胸露背緊身性感行頭，由頂至跟從頭換過，如非跟我們約好的時間緊迫，何小姐寧願去一程IFC搵Calvin重新恤過另一個頭配合進出、乘坐地鐵格式。個髮型明明Gucci，頂！套衫係Y3。
總之自己套架生轉變，跟身姐姐套出街制服轉色轉款貼身侍候。行頭點止髮型、服裝、高跟鞋？還有姐姐。想學得深啲？
鄭明明姐姐至明白這個道理，出席大小以大為主function，自己本人連一粒胭脂水粉不得過界嚴懲犯錯不單止，長裙晚裝揀大紅？印傭姐姐就不穿紅都着……梗唔係綠、起碼着黑襯托，唔單止衣裳，手袋鞋襪全套必須做到綠葉用作襯托太太。呢啲咪係冇失身份嘅society girl囉，縱橫一絲不苟扮靚界數十年，國內外人脈網絡廣泛，成功人辦典範，出街行頭包括從自己而近身家務助理。
何小姐並菲傭姐姐地鐵裝扮換好，半跑半跳連行帶走迫落星期五下班時間銅鑼灣MTR。
哈，埋到列車門口，被人迫來迫去足足等候四組車。閘門打開，黑壓壓都是人，只有一個乘客下車，廚魔女何小姐你估省油的燈？有理冇理，先迫入車廂隨手拖埋阿Maria……半個身，硬係塞不入另外一半，見身邊有位壯碩青年，她氣憤難平講解：跟車廂所有人一樣，個個低頭盯緊掌上手機，真係勿言、勿聽、勿動，定係詐諦裝假狗總之無人理會，或稍微移動一下身體騰出空間。不單止，側近條肥仔竟然不屑拋出一句：落車等下一班車啦，阿嬸，阻住地球轉……
在座六人聽得眉飛色舞，呢刻情節人人爆笑，穿Chanel的廚房女魔頭點啃得落？
見肥仔1米60、90公斤，佔咗幾乎兩個人的站位，身旁更有其他乘客迫不進去起碼兩個人空間？
俾人叫「阿嬸」呢單嘢，點都要報仇，點都唔使畀面：死開啦、肥仔大番薯！旁邊咁多位，不移過去方便其他乘客，阻塞車廂交通不單止，仲咁多嘰嘰咭咭？嗱，你唔好挨埋嚟呀，我嗌非禮㗎……你仲挨埋嚟？
下面情節毋須細節。
「死開啦！」呢句非常有用，處身今時今日香港，識得呼吸、兩條腿識得站立、行走不一定係人，比狗還要低好多等。切莫當佢地係人，更不要侮辱狗狗，頂多只算係手機低頭混混。適當時候，喊一句：死開啦！萬應萬靈。