見習生巫顯東贏吓一場贏吓又一場，似乎另一見習生火車潘潘明輝喺不斷被罰停賽下，自己上季贏返嚟嘅光環漸漸褪色，接近個半月冇贏馬。
甚至有馬迷指出呢位見習生實力進步幅度，冇同期嘅巫顯東咁明顯，亦有馬主睇好小巫將來有力超越火車潘。
不過，呢架火車喺今期谷戰（13日）終於停賽復出，而今次支持度只係僅次出足八場的莫雷拉同出爐一級賽冠軍騎師梁家俊，全晚一共要騎七場，只於第五場稍作休息。
今朝早（11日），就見佢好勤力不斷過檔操馬，其中包括角逐第四場「港林福星」及第七場「開心健康」，就睇吓火車潘有冇能力還以顏色，做番現役最強見習騎師。