雖則莫雷拉喺尋日（10日）嘅四場國際賽入面，似乎有揀錯馬之嫌，結果最叻憑日本馬「東瀛羅勒」喺香港瓶跑第三名，風頭俾潘頓、梁家俊同羅理雅搶晒去。
不過似乎呢位冠軍級別騎師好快就已經收拾心情，今朝（11日）一早就到沙田馬場連操四匹馬，其中一駒為角逐第五場的「塑料喜」，相信佢已叠埋心水，想冧莊香港冠軍騎師寶座為目標。
講番「塑料喜」，本身出自本地拍賣會，身價高達700萬元，今季於史卓豐胯下三戰，有兩次走入前三名。呢朝仲見到練者呂健威攞埋望遠鏡，睇到實「塑料喜」操練情況。
今仗抽到3檔，仲要強配雷神，真係感覺到幕那份嘅強烈想贏的戰意，即管睇吓呢兩大條件，幫唔幫到呢匹身價高昂的五歲馬打開新季勝門。