琦琦今年創立珠寶品牌QQM，上周首次在內地搞活動，在上海舉行私人珠寶展，老公任達華撐場，好友張玉珊、黃奕、陳浥萍（Monica）等都有出席。
今次除了十字架，亦因應節日推出聖誕雪花、皇冠，及春日的櫻花等系列，VIP活動只做半天，至於何時開店？琦琦說：「其實香港內地已經有人搵我哋開舖頭，但我想做得專業啲 ，一係唔做，一係做到最好，係咪？𠵱家QQM牌子只係推出半年，我想系列多啲、齊啲，sales又訓練得pro啲先開shop 。不過，開始做到𠵱家，都好有成功感，好唔同。」
撰文：林妙萍
Pucci後人香港顯功架
意牌Emilio Pucci現時由家族後人Laudomia Pucci主理，出任形象總監，她日前來港主持「Fashion Asia 2017」時裝論壇，巡視品牌press day時為女模配襯手袋，親力親為。2018春夏以泳池、swimming為靈感，品牌招牌的色彩圖案印花，依然燦爛，柔和粉彩色的橙、藍、紫綠等，一片夏日清涼。圖案加入如水泡的小圓波、天堂鳥等，在Laudomia Pucci手上亦recall傳統及歷史，如拼貼在浴袍上的貼圖，就來自上世紀的label刺繡。
撰文：林妙萍
更多精采時尚內容，盡在 http://add.appledaily.com 。