見旺角現場人頭湧湧，原來是在旺角西洋菜街有街站派發ClubSIM免費電話卡，記者都親身排隊開卡，睇睇張卡入面有乜着數。
這張ClubSIM電話卡最吸引是有5GB本地流動數據，香港都市人24小時成日online，用來解「爆data」燃眉之急都幾吸引。另外亦有多重優惠，例如包含了2日指定亞太地區數據通行證，包括熱門地區日本、南韓、台灣等地，碰巧這段時間會去外國旅行的話，亦算實用。5GB數據和2日漫遊都能在90日限期內任用。
另外這張卡還包括遊戲組合和娛樂組合。前者可以一個月內打《傳說對決》不計數據加送虛寶道具，剛推出新game《天龍八部 手機版》亦會有虛寶道具贈送。後者則可以一個月任睇電影app「hmvod」兼送兩張電影換票證。另外卡亦帶有電話號碼可一個月內無限通話。
登記需用到Club會藉，現場都有工作人員教你註冊點用，基本上香港人有身份證都用得到。街站會在12月10日下午三時至六時繼續在旺角西洋菜南街派卡，順路的話不妨排一張。
記者：科技籽